幾年前已經有個念頭：退休過英國終老。
而家時勢，隨時將原定計劃提早十年八年，咁樣加速法，真係唔纜安全帶嘅話，隨時坐唔穩。
年前到蘇格蘭遊覽嗰陣，經過地產公司順便望望，嗰陣個心喺度諗：（買個四房單位，自己一個睡房，另外三個就用嚟做打機房，衣帽間，酒窖，呢種退休生活，點搵呀。）
一直都以蘇格蘭為首選，如果英格蘭嘅話，利物浦係我第一志願，識我都知點解會選擇呢個城市，唔係紅，就係藍架啦。
日前喺Rightmove睇過下Northampton嘅樓，距離倫敦只是一小時火車時間，樓價唔貴，但我諗我會經常買鞋，買到破產都似。（Northampton貴為皮鞋之城，今年我都喺呢度出咗血。）
Crewe，凡係由倫敦往利物浦嘅火車必經之站，我識得呢個小城市，因為足球，所以我經常話足球學地理，真係無錯。
呢個係我英格蘭次選，北上睇波，南下倫敦，都算方便，樓價亦唔貴；每次坐火車經過，一定想起以前喺度讀中學嘅朋友，後來成為咗飲食blogger嘅 尋找隱世的味道 - 陳真的飲食誌
最近先開Youtube，短時間已經過萬follower的 走佬去UK， 早前以LOTR身份，一家三口移居Crewe生活，睇片先發現，我係識得個女網主。
啱睇就讚下佢哋啦。
Search